![](https://kallxo.com/wp-content/uploads/2020/02/Abdixhiku-e1581076008883-602x310.jpg)
Abdixhiku deklarohet për ndërtimet në afërsi të Badovcit
07.2.2020 - 12:46
Ministri i Infrastrukturës dhe Ambientit, Lumir Abdixhiku në një konferencë për media ka folur për ndërtimet që po përfliten të zhvillohen në afërsi të liqenit të Badovcit.
Abdixhiku u shpreh se pret që nga java e ardhshme të dal me një vendim pasi t`i kontaktojë të gjitha palët e përfshira.
“Më lejoni t’i konsultoj një herë grupin e aktivistëve qytetarë dhe gjatë javës së ardhshme do t’i dëgjojë palët e përfshira. Nëse varet prej ministrisë tonë kjo ide do të anulohet, por duhet të marr mendimet e dy palëve para se të marrë një vendim final dhe ligjor, për të respektuar të gjitha procedurat e parapara”, u shpreh Abdixhiku.
.