Foto-ilustrim
4 të lënduar në aksidentin mes dy kamionëve dhe një furgoni në Komoran
Katër persona kanë mbetur të lënduar në aksidentin mes dy kamionëvë dhe një furgoni në rrugën nacionale Prishtinë-Pejë përkatësisht në Komoran që ka ndodhur rreth orës 19:00.
Rastin për KALLXO.com e ka konfirmuar Bajram Krasniqi, zëdhënës i Policisë së Kosovës.
Ndërsa drejtimi i rrugës Prishtinë-Pejë është për momentin i bllokuar, ka bërë të ditur zëdhënësi.
“Në ora 18:50, policia është njoftuar për një aksident trafiku të ndodhur në rrugën nacionale Prishtinë-Pejë (fshati Komoran). Njësia policore nga vendi i ngjarje njofton se në aksident janë përfshirë tri automjete (dy kamionë e një furgon). Deri në këtë moment ndihmë mjekësore kanë kërkuar katër persona të lënduar. Drejtimi i rrugës Prishtinë-Pejë për momentin është i bllokuar”, ka thënë ai për KALLXO.com.
KALLXO.com raportoi pak minuta më parë për këtë aksident.
