Premtimi i Lumir Abdixhikut për përfundimin e punimeve në rrugën e Veternikut
Deklarata
Do të punohet ditën, do të punohet natën, e diku rreth 1 korrikut do ta kemi rrugën e hapur. 40 ditë.
Vlerësimi
Hetimet vazhdojnë
Më shumë se dy vjet kanë kaluar që kur ka nisur zgjerimi dhe asfaltimi i rrugës në dalje të Prishtinë, që njihet si Vetërniku. Pas shembjes dhe dheut, u ndalua puna ndërsa ministria e Infrastrukturës asnjëherë nuk e bëri publik raportin që tregon se i kujt ishte faji për shembjen e dheut dhe kush do t’i bartë shpenzimet për mbulim të kostos. Tashmë, ministri Lumir Abdixhiku ka premtuar se tash kanë nis punimet të cilat do të përfundohen me 1 korrik.
Artikulli
Ministri në detyrë i Infrastrukturës, Lumir Abdixhiku ka njoftuar se kanë nisur punën në përpjetëzën e Veternikut, në ndërtimin e murit anash rrugës.
Sipas tij, përveç që rruga duket e shëmtuar, ajo është e rrezikshme.
“Kjo përpjetēze e Veternikut ka 2 vite që s’sheh punëtorë. Përveç rrezikut e shëmtisë së rrugës më të frekuentuar në vend, në Kryeqytet, ajo simbolizon neglizhencën”, ka shkruar Abdixhiku.
Ministri në detyrë, ka njoftuar se për 40 ditë do të përfundojë ndërtimi i murit.
“40 ditë është koha që do ta përfundojmë. Muri do të ndërtohet, shpati do të përforcohet, rruga do të shtrohet – deri në sinjalistikë. Do të punohet ditën, do të punohet natën, e diku rreth 1 korrikut do ta kemi rrugën e hapur. 40 ditë. Dita e parë nisi sot”, ka shkruar në fund ministri Abdixhiku.
