Pa Turp

Nuk duhet të kesh turp që një mëngjes shkaktari i panjohur të ka disponuar dhe të gjithë përreth e vërejnë këtë. Nuk duhet të kesh turp prej vrullit të ushqyer nga rrezet e diellit që, pas një bore të mirë, të ka shtyrë të godasësh dikë me një top më fort se ç’do të doje. Nuk duhet të kesh turp të hash shumë në qoftë se ke oreks. Nuk duhet të kesh turp në të vie era duhan. Nuk duhet të kesh turp të ikësh nëse ke frikë. Nuk duhet të kesh turp të sulmosh papritur. Nuk duhet të kesh turp të jesh i varfër, i mesëm, i pasur. Nuk duhet të kesh turp nëse të mbrojnë. Nuk duhet të kesh turp nëse merr këshilla pa pushim. Nuk duhet të kesh turp që këmbët të rëndohen nga pija. Nuk duhet të kesh turp nënshtetësinë dhe përkatësitë tjera. Nuk duhet të kesh turp xhelozinë. Nuk duhet të kesh turp nëse mallëngjehesh. Nuk duhet të kesh turp në e ke mbamendjen e shëndoshë. Nuk duhet të kesh turp që nuk di të shtiesh me armë. Nuk duhet të kesh turp të rrihesh. Nuk duhet të kesh turp obsesionet. Nuk duhet të kesh turp ta komplimentosh femrën. Nuk duhet të kesh turp t’ia japësh asaj një lule edhe pse këto vetë s’i pëlqen. Nuk duhet të kesh turp të jesh hileqar. Nuk duhet të kesh turp të bartësh fjalë. Nuk duhet të kesh turp që s’kupton. Nuk duhet të kesh turp që vozit shpejt. Nuk duhet të kesh turp që del në televizion. Nuk duhet të kesh turp flokët e rëna. Nuk duhet të kesh turp mjekrën që s’të del mirë. Nuk duhet të kesh turp të tregosh romanin që ke lexuar, teshat e shtrenjta, orën e Zvicrës. Nuk duhet të kesh turp t’i përsërisësh shakatë. Nuk duhet të kesh turp ëndrrat tuaja. Nuk duhet të kesh turp të shitesh i mençur a i moralshëm nëse këto të bëjnë mirë. Nuk duhet të kesh turp numrin e madh të këpucës. Nuk duhet të kesh turp të refuzohesh. Nuk duhet të kesh turp numrin në post-adresën tënde. Nuk duhet të kesh turp të marrësh pjesë në varrimin e intelektualit idenë për të cilin s’e ke. Nuk duhet të kesh turp kur takon dikë që mendon se ka kohë që ka vdekur. Nuk duhet të kesh turp që s’ke kujdes. Nuk duhet të kesh turp që s’e pranon. Nuk duhet të kesh turp që nuk je i kënaqur. Nuk duhet të kesh turp që e kryen ditën e punës në 15:30. Nuk duhet të kesh turp nëse ke stres. Nuk duhet të kesh turp nëse e ke klanin tënd. Nuk duhet të kesh turp të thuash “jam jashtë vendit”. Nuk duhet të kesh turp të mos mësosh bash asgjë. Nuk duhet të kesh turp të duash të bëhesh President, të kundërshtosh dikë si President, të duash të rrish më shumë në detyrë nëse je President, nëse të bëjnë e të rrëzojnë President. Nuk duhet të kesh turp të shkruash. Nuk duhet të kesh turp të shpifësh. Nuk duhet të kesh turp të zhvatësh paranë publike. Dhe ta tregosh këtë në twitter. Nuk duhet të kesh turp ta përfaqësosh vendin tënd në OKB. Nuk duhet të kesh turp të bërtasësh e të shash. Nuk duhet të kesh turp nëse e ke penisin e madh që ta reklamosh për t’i joshur gratë. Nuk duhet të kesh turp që nuk ke bërë dush qe sa. Nuk duhet të kesh turp që askush s’e di. 

Nuk duhet të kesh turp. Sot. Në këtë kohë të barabartësh.

Nuk kam turp të sjell ndërmend që njeriu i urtë dikur kishte thënë se prej një lënde të tillë të përdredhur si njerëzimi “kurrë asgjë plotësisht e drejtë nuk është bërë”.