Vërejtjet e Edi Ramës për Liderët e Kosovës

Kryeministri i Shqipërisë, Edi Rama, tha mbrëmë se është thellësisht i shqetësuar për Kosovën.

Kryeministri Rama tha se Kosova duhet ta kalojë sa më parë demarkacionin me Malin e Zi.

Ai kritikoi edhe nismën për shfuqizimin e Gjykatës Speciale ndërsa insistoi që Kosova të përqendrohet në zgjidhjen e nyjës së madhe historike me Serbinë.

“E kam shumë të vështirë të jem i rezervuar dhe dua të flas hapur. Kosova ka arritur ta krijojë një problem nga hiçi dhe ka arritur që me një shpejtësi marramendëse të vërë në pikëpyetje marrëdhëniet me të gjithë ata që e lindën shtetin demokratik të Kosovës”, tha Rama.