Arrestohen ish-Ushtarë Boshnjakë për Vrasje të Robërve Serbë

Oficerët e Agjencisë Boshnjake Shtetërore për Investigim dhe Mbrojtje të mërkurën arrestuan ish-ushtarët Safet Isakoviq dhe Nosvet Poriq, të cilët dyshohen për krime kundër të burgosurve të luftës në zonën e Bosanska Krupës në korrik 1995.

Dyshohet se ata morën pjesë në vrasjen e tre anëtarëve të kapur të Ushtrisë Serbe të Bosnjës.

Sipas Zyrës së Prokurorisë, Isakoviq ishte komandanti dhe Poriq një anëtar i skuadrës së ndërhyrjes Gazije të Brigadës 505 të Korpusit të Pestë të Ushtrisë Boshnjake.

Prokurori tani do të marrë në pyetje të dyshuarit dhe do të vendosë nëse do të kërkojnë apo jo mbajtjen e tyre në paraburgim.