Zgjedhet kryetari i ri i KGJK-së
14.2.2019 - 14:15
Skender Çoçaj u zgjedh kryetar i ri i Këshillit Gjyqësor të Kosovës.
Çoçaj e kaloi kundërkandidatin Nehat Idrizi për një votë, derisa ky i fundit mori pesë vota.
Idrizi ia uroi kryetarit të ri fitoren ndërsa ky i fundit i falenderoi anëtarët e këshillit për besimin.
Para votimit, Çoçaj kishte prezantuar programin e udhëheqjes së KGJK-së.
Ai premtoi “Transparencë, rritje të efikasitetit, llogaridhënies dhe rritja e bashkëpunimit ndërkombëtar dhe me OJQ-të.
“Publikimi i të gjitha vendimeve gjyqësore që qytetarët të kenë dijeni se çfarë po ndodhë. Lufta kundër korrupsionit dhe krimit të organizuar do të jetë prioritet”, tha Çoçaj.