Një mjek - Foto: REL/Shutterstock

Spitali ‘Sirona’ reagon pas arrestimit të pronarit dhe mjekëve

Spitali “Sirona” ka reaguar pas arrestimit të pronarit, Shefqet Lulaj, dhe dy mjekëve të tjerë të premten.

Në reagim spitali njofton se është kryer një inspektim nga Inspektorati Shëndetësor i Ministrisë së Shëndetësisë, të shoqëruar edhe nga Policia e Kosovës.

Objekt i këtij inspektimi ishte vetëm sektori i Frytëzimit të Asistuar Mjekësor (FAM), me ç’rast janë inspektuar vetëm hapësirat që i takojnë këtij sektori dhe dokumentacionet përkatës.

“Menaxhmenti i spitalit “Sirona” ka ofruar bashkëpunim të plotë me zbatuesit e inspektimit dhe me kënaqësi konfirmojmë se përveç disa lëshimeve teknike që janë konstatuar me rastin e inspektimit , nuk është hasur asgjë e jashtëligjshme në këtë sektorë apo ne spitalin “Sirona””, thuhet në reagim.

Tutje, spitali ka reaguar ndaj deklarimit të kryeprokurorit të Prokurorisë së Prishtinës, i cili, sipas reagimit, ka thënë se në spital ka qenë një bastisje edhe një Prokuror i Shtetit, me ç’rast janë hasur gjurmë të transplantimit të jashtëligjshëm të organeve dhe qelizave njerëzore.

“Kjo është absolutisht e pavërtetë », thekson spitali “Sirona”.

“Pasaktësia e pretendimeve të Prokurorisë është konfirmuar edhe sot me vendimin e Gjykatës themelore në Prishtinë, me të cilin u rrëzua si e pabazuar kërkesa e Prokurorisë për caktimin e masës së paraburgimit për dy mjekët e Spitalit tonë dhe të një mjekut të Spitalit Amerikan në Prishtinë”, thuhet tutje në reagim.

KALLXO.com raportoi se Gjykata ka vendosur masën e paraqitjes në stacion policor për mjekun Shefqet Lulaj.

Gjykata vendos për mjekun Shefqet Lulaj

Ky është reagimi i Spitalit:

“REAGIM,

Duke marrë shkas nga deklarimi për media i Kryeprokurorit të Prokurorisë Themelore në Prishtinë, lidhur me inspektimin e kryer nga Inspektorati Shëndetësorë në Spitalin “Sirona”, të cilët ishin të shoqëruar edhe nga Policia e Kosovës, me respekt njoftojmë të gjithë pacientët e spitalit tonë dhe opinionin publikë se :

Ditën e Premtë, me 24 Maj 2019 rreth 15:00 në spitalin tonë është kryer një inspektim nga Inspektorati Shëndetësorë i Ministrisë së Shëndetësisë, të shoqëruar edhe nga Policia e Kosovës.

Objekt i këtij inspektimi ishte vetëm sektori i Frytëzimit të Asistuar Mjekësorë (FAM), me ç’rast janë inspektuar vetëm hapësirat që i takojnë këtij sektori dhe dokumentacionet përkatës.

Menaxhmenti i spitalit “Sirona” ka ofruar bashkëpunim të plotë me zbatuesit e inspektimit dhe me kënaqësi konfirmojmë se përveç disa lëshimeve teknike që janë konstatuar me rastin e inspektimit , nuk është hasur asgjë e jashtëligjshme në këtë sektorë apo ne spitalin “Sirona”.

Deklarimi i Kryeprokurorit të Prokurorisë Themelore në Prishtinë se në spitalin tonë ka qenë një bastisje edhe një Prokuror i Shtetit, me ç’rast janë hasur gjurmë të transplantimit të jashtëligjshëm të organeve dhe qelizave njerëzore është absolutisht i pavërtetë .

Pasaktësia e pretendimeve të Prokurorisë është konfirmuar edhe sot me vendimin e Gjykatës themelore në Prishtinë, me të cilin u rrëzua si e pabazuar kërkesa e Prokurorisë për caktimin e masës së paraburgimit për dy mjekët e Spitalit tonë dhe të një mjekut të Spitalit Amerikan në Prishtinë.

Spitali “Sirona” garanton pacientët dhe të gjithë qytetarët se do të vazhdojnë me përkushtim punën për të qenë pranë tyre, në menyrë që të gjithë të marrin shërbimin e duhur shëndetësore ,cilësorë dhe në kohë.”

26 Maj 2019 - 23:41

Naser Sertolli 26/05/2019 - 23:41
NDËRVEPRIMI0
Prishtina Insight
NA NDIQNI

Send this to a friend