Vajza raporton se u dhunua dhe u xhirua në motel
25.7.2019 - 11:04
Policia e Kosovës ka njoftuar për një rast të dhunimit i cili ka ndodhur dje në lagjen Veternik në Prishtinë.
Sipas policisë, viktima ka raportuar dje lidhur me ngjarjen që sipas saj ka ndodhur më27 qershor.
Sipas raportimit, një person i dyshuar me dhunë e ka futur në veturën e tij duke e dërguar në motel dhe pa dëshirën e saj e ka dhunuar seksualisht.
Viktima ka raportuar po ashtu në polici se i dyshuari i ka bërë fotografime dhe incizime të ndryshme dhe njëkohësisht i kishte vjedhur dokumente personale dhe një shumë të parave.
Policia ka njoftuar se në lidhje më ketë rast janë intervistuar disa dëshmitarë të rastit.