![](https://kallxo.com/wp-content/uploads/2018/04/31287734_1918546181549065_1409651293529571328_n.jpg)
Foto: Facebook
Thaçi i kërkon Tusk-ut vendimmarrje për liberalizimin
Presidenti i Kosovës Hashim Thaçi priti sot në zyrën e tij presidentin e Këshillit Europian, Donald Tusk.
Presidenti Thaçi tha se Bashkimi Europian është dhe do të vazhdojë të jetë partneri më i besueshëm i mbarë rajonit tonë.
Sipas tij, Brukseli dhe kryeqytetet evropiane i vlerësojnë arritjet e Kosovës.
“Këtë e rikonfirmoi sot edhe presidenti Tusk, i cili është një mbështetës i madh i zgjerimit të BE-së me shtetet e Ballkanit Perëndimor”, shkroi Thaçi në facebook.
Në këtë takim, Thaçi i kërkoi mbështetjen presidentit Tusk për përshpejtimin e procesit të vendimmarrjes për liberalizimin e vizave.
“Ne kemi nevojë urgjente që t’i përshpejtojmë hapat drejt integrimeve euroatlantike dhe ambicia e jonë minimale është që në një periudhë të shkurtër të marrim statusin e vendit kandidat për anëtarësim në Bashkimin Europian”, shkroi më tutje Thaçi.
Thaçi e Tusk pas takimit të sotëm dolën në një konferencë për gazetarë.
http://kallxo.com/tusk-porosit-qe-kosova-i-eshte-afruar-liberalizimit-te-vizave/
http://kallxo.com/thaci-be-e-ballkani-kurre-nuk-kane-qene-me-afer/