![](https://kallxo.com/wp-content/uploads/kallxo/path/arrestim_847573.jpg)
Arrestohet i kërkuari për trafikim me drogë
22.5.2019 - 12:13
A.D, 33 vjeçar nga fshati Katund Sukth në Durrës është arrestuar nga polici pasi ishte në kërkim për trafikim me narkotik.
Policia ka njoftuar se Departamenti për Hetimin e Narkotikëve në Policinë e Shtetit, në kuadër të punës për kapjen e personave të shpallur në kërkim, kanë kapur dhe ndaluar të dyshuarin A.D, 3 vjeçar, pasi Gjykata e Shkallës së Parë për Krimet e Rënda në Tiranë, me 1 korrik të vitit 2017, i ka caktuar masën e sigurisë, arrest me burg, për trafikim më lëndë narkotike, kryer në bashkëpunim.
Policia e Shtetit ka njoftuar se materialet hetimore janë dërguar në Prokurorinë pranë Gjykatës së Shkallës së Parë për Krimet e Rënda Tiranë për veprime të mëtejshme.