Foto: VV
Albin Kurti në Doganë, interesohet për importet nga Serbia pas taksës
24.12.2018 - 14:20
Kryetari i Lëvizjes Vetëvendosje Albin Kurti, dhe nënkryetari Besnik Bislimi sot kanë vizituar drejtorin e Doganave të Kosovës, Bahri Berishën.
Siç njofton LVV-ja, në këtë takim Berisha njoftoi Kurtin dhe Bislimin me punën e Doganave të Kosovës dhe funksionimin e sfidat e tyre.
“Në interesimin e përfaqësuesve të LV-së ai i njoftoi edhe për rënien drastike të importeve nga Serbia, luftimin e kontrabandës, si dhe u diskutua edhe për mundësitë për shtimin e mbledhjes së TVSh-së brenda shtetit”, thuhet në njoftimin e Lëvizjes Vetëvendosje.
LVV-ja thekson se të dyja palët shprehën gatishmërinë dhe interesimin për kontakte e takime të vazhdueshme në të ardhmen.