Hekuran Kryeziu rikthehet në stërvitje (Foto)
20.3.2019 - 19:06
Mesfushori i Kosovës, Hekuran Kryeziu, është rikthyer të stërvitet sot së bashku me bashkëlojtarin e tij Benjamin Kololli.
Kryeziu kishte pësuar një lëndim të vogël gjatë vikendit duke luajtur me skuadrën e Zurich-ut.
Hekuran Kryeziu dhe Benjamin Kololli janë stërvitur veçmas nga ekipi i kombëtares së Kosovës.
Kryeziu nesër sigurt nuk do të jetë i gatshëm për lojën ndaj Danimarkës, e cila zhvillohet në stadiumin “Fadil Vokrri”, në Prishtinë.
Këtë e ka konfirmuar edhe trajneri Bernard Challandes sot në konferencë për media.
Ndërsa për Benjamin Kolollin nuk dihet se a do të luajë nesër apo do të pushojë edhe ai së bashku me Kryeziun.
Kosova sot ka mbajtur stërvitjen e fundit para ndeshjes së nesërme ndaj Danimarkës.