Arbër Zeneli shënon golin e tretë personal dhe të katërtin për Kosovën
Kombëtarja e Kosovës ka shënuar golin e katërt kundër Azerbajxhanit.
Goli i katërt është shënuar nga Arbër Zeneli në minutën ’76, i cili ka shënuar hat trick-un e partë të tij dhe për kombëtaren e Kosovës në një ndeshje zyrtare ndërkombëtare.
22:23
Kombëtarja e Kosovës ka shënuar golin e tretë në ndeshjen me Azerbajxhanin.
Golin e tretë për “dardanët” e ka shënuar Amir Rrahmani, në minutën ’61.
Për golin e Rrahmanit ka asistuar Benjamin Kololli.
Në ndeshjen mes Kosovës dhe Azerbajxhanit është shënuar goli i dytë.
Kombëtarja e Kosovës ka shënuar sërish, duke e ngritur rezultatin në 2 me 0.
Golashënues është sërish Arbër Zeneli, i cili ka shënuar në minutën ’50.
Këto janë fotot e realizuara nga fotoreporteri i KALLXO.com, Atdhe Mulla, pas shënimit të golit të dytë të Arbër Zenelit.
Ndeshja ka filluar në orën 20:45, në stadiumin “Fadil Vokrri”.
Ndeshja mes kombëtareve të Kosovës dhe Azerbajxhanit luhet në kuadër të Grupit 3 të Ligës D të Ligës së Kombeve.
Kjo është ndeshja e fundit e grupit.
Në ndeshjen e kaluar, ndeshja Azerbajxhani-Kosova ka përfunduar me rezultat të barabartë 0-0.
Në këtë grup, Kosova është lider me 11 pikë, e ndjekur nga Azerbajxhani me 9 pikë.