Vrasje në fshatin Novosellë të Pejës
24.4.2021 - 16:18
Në fshatin Novosellë të Pejës një person është vrarë me armë zjarri.
Lajmin e ka konfirmuar për KALLXO.com, Fadil Gashi, zëdhënës i policisë për Rajonin e Pejës.
“Rreth orës 14:40 minuta policia ka marrë informatë se në fshatin Novosellë të Pejës ka pasur të shtëna me armë, menjëherë pasi e ka marrë informatën ka dalë në vendin e ngjarjes së bashku me të gjitha njësitet. Ekipet mjekësore e kanë konstatuar vdekjen e viktimës”, ka thënë Gashi për KALLXO.com.
Sipas Gashit ende nuk dihen shkaqet të cilat kanë çuar deri te vrasja.
Gashi po ashtu ka bërë të dituar se i dyshuari është në arrati dhe se policia është duke ndërmarrë të gjitha veprimet e nevojshme.