Tre të lënduar nga aksidenti në rrugën Gjakovë - Prizren
17.3.2023 - 14:08
Tre persona janë lënduar nga një aksident trafiku që ndodhi sot në fshatin Rogovë përkatësisht në rrugën Gjakovë-Prizren.
“Në këtë aksident kanë qenë të përfshira dy automjete dhe dy këmbësorë”-bën të ditur zëdhënësi i policisë për Rajonin e Gjakovës, Sheremet Elezaj.
Personat e lënduar që janë dy këmbësorë dhe njëri nga shoferët e automjeteve janë dërguar në Spitalin Rajonal-Gjakovë për trajtim mjekësor
Rastin po e heton Njësia Rajonale e Komunikacionit Rrugorë.
Ngjarja ka ndodhur në ora 12:20.