Tentim vrasje në Skenderaj
04.7.2022 - 15:01
Gjatë kohës sa një automjet ishte në lëvizje në Skenderaj, është sulmuar me armë zjarri nga një 31 vjeçar, i cili është arrestuar më pas nga Policia e Kosovës.
Lajmin për KALLXO.com e ka konfirmuar zëdhënësja e Policisë për rajonin e Mitrovicës, Fexhrie Pllana.
Ajo ka thënë se ngjarja ka ndodhur rreth orës 01:30.
Sipas Pllanës, tek personi i dyshuar, A.J., 31 vjeçar, si provë materiale është konfiskuar një armë, një karikator i zbrazur dhe 8 gëzhoja.
I dyshuari, me urdhër të prokurorit, është ndaluar për 48 orë dhe ndaj tij është iniciuar rasti ‘Vrasje në tentativë’.