Sulmoi fizikisht një grua në Vushtrri, arrestohet i dyshuari
21.6.2024 - 11:45
Në Vushtrri, një grua ka raportuar në Polici se është sulmuar fizikisht nga një burrë, pas një mosmarrëveshjeje verbale.
Rasti raportohet të ketë ndodhur më 20.06.2024, në orën 18:00.
Siç njofton Policia, pas intervistimit të palëve, me vendim të prokurorit i dyshuari është arrestuar dhe është dërguar në mbajtje.
Viktima, ndërkaq, pas trajtimit mjekësor është dërguar tek familja e saj.
Në raportin 24- orësh të Policisë thuhet se rasti është nën hetime.