Shtetet baltike solidarizohen me Poloninë pas raportimeve se raketat ruse ranë aty

Shtetet baltike janë solidarizuar me Poloninë pas raportimeve se raketa ruse ranë në territorin polak, raporton CNN.

Ministria e Punëve të Jashtme të Estonisë u shpreh e shqetësuar pas këtyre raportimeve. Ajo tha se janë duke u konsultuar me shtetin polak.

“Lajmet e fundit nga Polonia janë mëse shqetësuese. Ne jemi duke u konsultuar ngushtë me Poloninë dhe aleatët e tjerë. Estonia është e gatshme të mbrojë çdo centimetër të territorit të NATO-s” – shkroi Ministria në Twitter.

“Ne jemi në solidaritet të plotë me aleatin tonë të ngushtë Poloninë” – shtoi ajo.

Ndërkaq, ministri letonez i Mbrojtjes, Artis Pabriks, tha se “Letonia qëndron plotësisht me miqtë polakë”.

Presidenti i Lituanisë, Gitanas Nauseda, tha se vendi “po mban një kontakt të ngushtë” me Poloninë.

“Lituania qëndron në solidaritet të fortë me Poloninë” – shkroi ai në Twitter, duke shtuar se “çdo pëllëmbë e territorit të NATO-s duhet të mbrohet!”.