Shtetasi polak sulmon dy policë në Aeroportin e Prishtinës
13.8.2023 - 10:26
Një shtetas polak është arrestuar të shtunën pasi ka shkaktuar probleme me pasagjerë e po ashtu ka sulmuar fizikisht dy zyrtarë policorë.
Rasti ka ndodhur dje në Aeroportin e Prishtinës.
Sipas raportit të Policisë, njëri nga policët ka pësuar lëndime dhe është dërguar për trajtim mjekësor.
Ndërsa i dyshuari me vendim të prokurorit, fillimisht u dërgua për tretman mjekësor në Psikiatri në QKUK e më pas është dërguar në mbajtje.