Sabri Hamiti shkoi në gjykatë për të dëshmuar për aktakuzën ndaj Glauk Konjufcës

Në seancën e gjykimit ndaj kryetarit të Kuvendit, Glauk Konjufca, pritej që të dëshmonte ish-deputeti Sabri Hamiti, por Konjufca nuk ishte i pranishëm në Gjykatë.

Konjufca po akuzohet për hedhje të gazit lotsjellës në Kuvend më 10 gusht 2016.

Sabri Hamiti në atë kohë ishte nënkryetar i Kuvendit të Kosovës.

Herën e fundit, më datë 25 tetor në gjykimin ndaj Konjufcës dëshmoi ish deputetët Adem Grabovci dhe Ismet Beqiri.

Seanca për rastin e Glauk Konjufcës si i akuzuar për për hedhje të gazit lotsjellës në Kuvend në vitin 2016. Foto: Shqipron Xhema KALLXO.com

Sipas aktakuzës të prokurorisë, Konjufca akuzohet për veprën penale, përdorim i armës apo mjetit të rrezikshëm dhe për veprën pengim i personit zyrtar gjatë kryerjes së detyrave zyrtare.

Në aktakuzë përshkruhet se në seancën e kuvendit të datës 10.08.2016, në cilësi të deputetit, Glauk Konjufca ka hedhur gaz lotsjellës në sallë, me ç’rast është pamundësuar qëndrimi në sallë.

Gjithashtu më këtë aktakuzë, Konjufca po akuzohet edhe për veprën pengim i personit zyrtar gjatë kryerjes së detyrave zyrtare meqë siç përshkruhet në aktakuzë deputetët e tjerë janë detyruar të ndërpresin seancën dhe të largohen nga salla.