Sa raste të korrupsionit i gjykoi Gjykata e Gjakovës gjatë vitit 2024?

Gjykata e Gjakovës gjatë vitit 2024 ka arritur të përfundojë 16 lëndë të rasteve të korrupsionit.

Rastet e natyrës së korrupsionit përfshijnë veprat penale si keqpërdorim i detyrës zyrtare, marrje apo dhënie ryshfeti, përvetsim në detyrë, e vepra të tjera të ngjashme.

Prej rasteve të cilat i ka përfunduar Gjykata e Gjakovës në 11 raste ka marrë aktgjykim dënues, ndërsa nga kjo Gjykatë janë shpallur 5 aktgjykime liruese të kësaj natyre.

Nga aktgjykimet dënuese 3 janë aktgjykime me kusht, 9 aktgjykime me dënim me gjobë, dhe 6 aktgjykime me dënim me burg efektiv.

Nga kjo Gjykatë gjatë vitit 2024 gjithsej është 1 aktgjykim refuzues, ndërsa nuk ka raste të parashkruara.

Në vitin që lamë pas (2024), Gjykata e Gjakovës ka pranuar 10 raste të natyrës së korrupsionit, ndërsa 11 lëndë të rasteve të korrupsionit dhe krimit të organizuar janë bartur për në vitin 2025.

Këto të dhëna janë siguruar nga KALLXO.com përmes kërkesës për qasje në dokumente publike nga Gjykata Themelore në Gjakovë më 03.02.2025.