![](https://kallxo.com/wp-content/uploads/2020/04/Shkupi-foto-REL-AFP-695x310.jpg)
Shkupi - Foto: REL/AFP
Rritet numri i të shëruar nga COVID-19 në Maqedoninë e Veriut
26.4.2020 - 15:38
Maqedonia e Veriut ka shënuar numrin rekord të të shëruarve nga sëmundja COVID-19 brenda një dite.
Ministria e Shëndetësisë ka njoftuar për 126 persona që janë shëruar nga coronavirusi, duke e çuar në 500 numrin e të shëruarve në nivel të Republikës.
Gjatë 24-orëve të fundit janë infektuar 19 persona, nga 335 teste të kryera ndërkohë që numri i përgjithshëm i të infektuarve arrin në 1,386. Prej tyre,825 pacientë janë duke u trajtuar në institucione shëndetësore dhe në kushte shtëpiake.
Sa i përket viktimave, Ministria e Shëndetësisë ka njoftuar për dy raste të reja, një në Shkup dhe një tjetër në Kumanovë. Dy personat sipas njoftimit kanë vuajtur edhe nga probleme tjera shëndetësore.
Numri i përgjithshëm i të vdekurve ka arritur në 62./REL