Prizren, sulmohen policët në oborr të shkollës
03.4.2020 - 13:50
3 burra në Prizren janë arrestuar për shkak të mosrespektimit të masave të sigurisë ndaj COVID- 19.
Sipas Policisë, ata janë zënë në oborrin e një shkolle duke luajtur dhe duke konsumuar pije alkoolike.
Njëri prej të dyshuarve kishte sulmuar dy zyrtarë policor, duke i penguar në kryerjen e detyrës së tyre.
Nga ky sulm, i dyshuari bashkë me të dy zyrtarët policorë kanë pësuar lëndime dhe kanë marrë tretman mjekësor.
Me vendim të prokurorit i dyshuari është dërguar në mbajtje, ndërsa dy të tjerët janë liruar në procedurë të rregullt.