Foto-ilustrim
Prishtinë, paraburgim për të dyshuarin për dhunë në familje
26.4.2020 - 16:06
Gjykata e Prishtinës ka caktuar masën e paraburgimit ndaj Sh.B., i cili dyshohet për dhunë në familje ndaj të dëmtuarës E.B.
Në njoftimin e Gjykatës thuhet se paraburgimi është caktuar me qëllim të parandalimit që i pandehurit të pengojë procedurën penale si dhe të ndikojë në të dëmtuarën dhe dëshmitarë.
Po ashtu njoftimi thotë se ekziston rreziku se i pandehuri Sh.B. mund ta përsërisë veprën penale ndaj të dëmtuarës E.B.
Gjithashtu, i pandehuri Sh.B. është udhëzuar me të drejtën e tij për të paraqitur ankesë në Gjykatën e Apelit.