Prishtinë, i dyshuari tenton t’i godasë me veturë zyrtarët policorë

Një person është shoqëruar në stacion policor nën dyshimin se ka tenturar t’i godasë më veturë zyrtarët policorë në Prishtinë.

Sipas Policisë,  rasti ka ndodhur në rrugën “Dëshmoret e Kombit” në kryeqytet më 01.03.2025, rreth orës 02:20.

Rasti është iniciuar si “sulm ndaj personit zyrtar.”

“Është shoqëruar në stacion policor i dyshuari pasi nuk e ka ndaluar veturën dhe ka tentuar t’i godasë zyrtarët policorë. Pasi është ndaluar, i dyshuari ka sulmuar fizikisht zyrtarët policor. I dyshuar është dërguar në emergjencë dhe sipas mjekut dyshohet se ka abuzuar me substanca narkotike”- thekson Policia.

Sipas PK-së, me vendim të prokurorit, pas intervistimit i dyshuari është liruar dhe rasti shkon në procedurë të rregullt.