Foto: Urim Krasniqi/KALLXO.com
Presidentja Vjosa Osmani uron homologun francez pas rizgjedhjes në krye të Francës
Presidentja e Kosovës, Vjosa Osmani, ka uruar homologun e saj francez, Emmanuel Macron, për fitoren në zgjedhjet presidenciale.
Osmani përmes një shkrimi në Twitter ka thënë se pret me padurim forcimin e bashkëpunimit dhe thellimin e marrëdhënieve me Francën.
“Pres me padurim forcimin e bashkëpunimit dhe thellimin e marrëdhënieve tona të shkëlqyera dypalëshe. Mbështetja e Francës është kyçe për rrugën tonë të fortë euroatlantike”, shkroi ajo.
I congratulate President @EmmanuelMacron on his re-election tonight.
I look forward to strengthening cooperation & deepening our excellent bilateral relations.
🇫🇷’s support is key for our firm Euro-Atlantic path.
— Vjosa Osmani (@VjosaOsmaniPRKS) April 24, 2022
Emmanuel Macron është rizgjedhur president i Francës.me 58% të votave, përballë Marine Le Pen, të cilës i kreditohen 42% e votave, sipas vlerësimeve të para të institutit të sondazheve Ifop.
Në Francë sot u zhvillua rrethi i dytë i zgjedhjeve presidenciale.
Në garë ishin presidenti aktual, Emmanuel Macron, dhe kandidatja e ekstremit të djathtë, Marine Le Pen.
Mandati i presidentit të Francës është pesëvjeçar.
