Policia jep detaje për aksidentin në Sllatinë ku vdiq një person mbrëmë
19.2.2023 - 10:41
Policia e Kosovës ka bërë të ditur se një person është i arrestuar nga një aksident me fatalitet, në të cilin ka vdekur një person.
Sipas Policisë, aksidenti ka ndodhur rreth orës 20:35 në fshatin Sllatinë të Fushë Kosovës, ku një veturë me targa vendore ka goditur një këmbësor.
Si pasojë e lëndimeve trupore, viktima ka ndërruar jetë.
I dyshuari është arrestuar dhe me vendim të prokurorit është dërguar në mbajtje, ndërsa trupi i pa jetë i viktimës është dërguar në IML për obduksion.