Policia gjen pajisje bixhozi në Skenderaj, arrestohet një burrë
27.12.2023 - 10:13
Policia e Kosovës e ka arrestuar një burrë në Skenderaj pasi gjatë kontrollit në lokalin e tij, janë gjetur dhe konfiskuar pajisje bixhozi.
Sipas PK-së, rasti ka ndodhur të martën rreth orës 15:45.
Provat materiale njofton policia janë: Tre televizorë për shërbime të basteve, katër monitorë, katër shtëpiza, 8 topa letër për printime, tre tastiera , 20 tiketa, një libër i basteve, 1×100 euro, 2×20 euo, 16×5 euro, 3×2 euro, 11×1 euro, 52×05 cent, 23×0.10 cent, 9×0.5cent dhe një lexues i tiketave.
Sipas policisë, pas intervistimit me vendim të prokurorit, i dyshuari është dërguar në mbajtje.
Rasti po trajtohet si “Organizim i skemave piramidale”.