Polici i plagosur në Suharekë, jashtë rrezikut për jetën
22.11.2023 - 17:07
Një polic është plagosur gjatë një grabitje të armatosur në një argjendari që ka ndodhur në Suharekë sot pasdite.
Lidhur me rastin KALLXO.com ka kontaktuar Kryeprokurorin e Prizrenit, Admir Shala.
Ai ka thënë se aktualisht është duke shkuar në vendin e ngjarjes dhe se polici i plagosur është jashtë rrezikut për jetë.
“Jam duke shku në vendin e ngjarjes, është një polic i plagosur është jashtë rrezikut për jetë. Ta shohim në vendin e ngjarjes çka ka ndodhë” – tha Shala.
Ai tutje tha se të dyshuarit janë në arrati dhe në kërkim policor.