Plagoset një person në Fushë Kosovë
Policia e Kosovës gjatë ditës së djeshme ka raportuar për një rast të plagosjes në Fushë Kosovës.
Sipas policisë, dje rreth orës 17:50, në rrugën “Nëna Terezë”, në Fushë Kosovë, është raportuar se një person i dyshuar i cili shoqërohej nga tre persona të tjerë kanë sulmuar viktimat.
Sipas njoftimit, njëri nga viktimat ka mbetur i plagosur me armë zjarri.
Të dyshuarit për këtë rast kanë iku nga vendi i ngjarjes, ndërsa viktimat fillimisht kanë pranuar tretman mjekësor në vendin e ngjarjes e më pas janë dërguar për tretman të mëtutjeshëm në Qendrën Klinike Universitare të Kosovës.
Njësitet relevante policore kanë dal në vendin e ngjarjes, ndërsa në lidhje me rastin është njoftuar edhe prokurori i shtetit.
Në këtë rast nuk raportohet për ndonjë person të arrestuar.