Petrinja e Kroacisë sërish goditet nga tërmeti

Mëngjesin e sotëm, Petrinja e Kroacisë u godit edhe nga një tërmet, me fuqi prej 3.5 shkallësh të Richterit.

Tërmeti u regjistrua në orën 04:20, me epiqendër dy kilometra në verilindje të Petrinjës, konfirmoi Shërbimi Sizmologjik i Kroacisë.

Dridhjet u ndjenë në një zonë më të gjerë të Kroacisë, përfshirë Slloveninë.

Më 29 dhjetor, Kroacia është goditur nga një tërmet shkatërrues, me fuqi prej 6.3 shkallësh të Richterit.

Edhe epiqendra e tij ka qenë pranë Petrinjës.

Shtatë persona kanë vdekur, dhjetëra janë plagosur dhe dëmet materiale janë të mëdha.

Ky tërmet është ndjerë në të gjithë rajonin.

Që atëherë, Kroacia regjistron çdo ditë tërmete më të vogla./REL