![](https://kallxo.com/wp-content/uploads/2020/09/WH-QKUKCovid.jpg)
Foto: Urim Krasniqi/KALLXO.com
Pas 40 ditësh, sot më shumë të infektuar se sa të shëruar nga COVID-19
09.10.2020 - 15:31
Gjatë 24 orëve të fundit janë shënuar 79 raste të reja me COVID-19, ndërsa janë shëruar 61 pacientë të tjerë.
Hera e fundit kur kishte numër më të madh të rasteve të reja me COVID-19 se sa të shëruar ishte me 30 gusht, me 118 të shëruar dhe 119 raste të reja.
Javëve të fundit ishte vërejtur një trend i uljes e numrit të rasteve të reja dhe rritjes të numrit të të shëruarve.
Instituti Kombëtar i Shëndetësisë Publike (IKShPK) sot ka njoftuar se nga 764 mostra të marra 79 kanë rezultuar pozitiv me COVID-19.
Numri i rasteve aktive është 1 mijë e 159 raste ndërsa numri total i rasteve pozitive është 16 mijë e 50 raste.
Numri total i të shëruarve është 14 mijë e 250 raste ndërsa i vdekjeve 641.