![](https://kallxo.com/wp-content/uploads/2024/06/0090e7b1-f68a-4765-8692-fd6252c50910-360x480.jpg)
Mitrovica e Jugut, aktivitet për 25-vjetorin e Ditës së Dëshmorëve të UÇK-së
06.6.2024 - 10:08
Për nder të shënimit të 25-vjetorit të Ditës së Dëshmorëve të UÇK-së në Mitrovicë, do të organizohet një aktivitet te Varrezat e Dëshmorëve në Shipol.
Kështu ka njoftuar Komuna e Mitrovicës së Jugut nëpërmjet një postimi në Facebook.
“Të enjten, me datë 06.06.2024 ftoheni të merrni pjesë në aktivitetin që do të organizohet nga Komuna e Mitrovicës, me rastin e shënimit të 25 vjetorit të Ditës së Dëshmorëve të UÇK-së në Mitrovicë. Vendi, varrezat e Dëshmorëve në Shipol, në orën 10:00”- thuhet në njoftim.
Ndërkohë, rruga kryesore e qytetit “Mbreteresha Teutë” është stolisur nga flamuj kombëtar.
Flamujt janë vendosur edhe në rrugën “Shemsi Ahmeti” në qendër të qytetit.
Rruga: “Mbretëresha Teutë”
Rruga: “Shemsi Ahmeti”