Kosova performon në Olimpiadën e Koreve Botërore
Kosova sot është prezantuar nga Siparantum Choir në Olimpiadën e Koreve Botërore.
Koncerti është mbajtur në sallën koncertale Queen Elizabeth Hall në Belgjikë.
Lajmin për paraqitjen e Kosovës e ka bërë kori Siparantum në Facebook.
Ata po ashtu kanë njoftuar se nesër do të jetë edhe nata e fundit e Olimpiadës.
“Çfarë ndjenje të jesh pjesë e Olimpiadës më të madhe në botë, World Choir Games. Siparantum sonte përfaqësoi vendin tonë, Kosovën në sallën më të njohur koncertale, Queen Elizabeth Hall (shtëpia e Filharmonisë Fllamane), Antwerpen. Kori garon në The Open Championship, në kategorinë, Contemporary Music. Nesër mbrëma do të bëhet ndarja e çmimeve, Closing Ceremony of World Choir Games. Sot jemi të lumtur si kurrë më parë!”, thuhet në njoftimin e korit.