Kanosi një grua vazhdimisht për 5 muaj, arrestohet shtetasi i Shqipërisë në Prizren

Policia e Kosovës ka njoftuar se në Prizren ka arrestuar një person, nën dyshimet se i njëjti nga muaji tetor i vitit 2024 ka kanosur një shtetase kosovare.

Sipas Policisë, personi dyshohet se e ka kanosur viktimën, me qëllim të përfitimit material.

“Më 27.02.2025, është arrestuar i dyshuari mashkull shqiptar, shtetas i Shqipërisë, nën dyshimin se i njëjti  nga muaji tetor 2024 e deri më 27.02.2025, me qëllim të përfitimit të kundërligjshëm të dobisë  pasurore për vetveten ka kanosur viktimën femër kosovare, duke e detyruar të veprojë në dëm të pasurisë së saj. I dyshuari pas intervistimit, me vendim të Prokurorit, është dërguar në mbajtje. Rasti në procedurë hetimore.” – njoftoi Policia në Raportin 24-orësh.