Ish-luftëtari serb dëshmon në gjyqin për masakrat e luftës në Kosovë

Anëtari i njësisë paraushtarake serbe “Çakallët”, Zoran Raskovic ka deklaruar në Gjykatën e Lartë të Beogradit se një nga të pandehurit në rastin e krimeve të luftës në katër fshatra të Kosovës në pranverën e vitit 1999, ishte i pranishëm gjatë të shtënave ndaj një grupi civilësh shqiptarë.

Predrag “Madzo” Vukoviq ishte në mesin e grupit të luftëtarëve serbë që rrëmbyen dhe vranë një grup civilësh shqiptarë të kapur në fshatin Qushk në Kosovë në maj 1999, ka thwnw bashkëluftëtari i tij, Zoran Raskovic, duke shtuar megjithatë se ai nuk e pa Vukoviqin duke qëlluar ndonjë.

Raskovic i ka thënë Gjykatës së Lartë të Beogradit se Vukoviç kishte ardhur në njësinë e tij pas krimeve të tjera të kryera në fshatin Ljubenic dhe se i kujtohej Vukovic “duke hyrë në aksion me ne”.

Raskovic tha se Vukoviç, së bashku me dy luftëtarë të tjerë, Ranko Momic dhe Nikolic Milojko “Sumadija”, e çuan grupin prej rreth 15 ose 20 personash në një shtëpi të papërfunduar në fshat dhe i qëlluan për vdekje.

“Ai ishte në grupin që çoi deri tek të shtënat; Momic Ranko e udhëhoqi dhe e organizoi atë; I dëgjova të shtënat, pashë Rankon, ‘Sumadija’”, tha Raskovic.

“Kam dëgjuar të shtëna, [por] nëse nga një, dy apo tre armë, nuk e di,” ka shtuar Raskovic, duke shpjeguar se ai nuk e pa Vukoviçin duke bërë të shtënat.

Vukoviç është një nga 11 ish-anëtarët e Njësisë 177 të Ushtrisë Jugosllave që po gjykohet për kryerjen e krimeve të luftës në fshatrat Zahaq, Qyshk, Pavlan dhe Ljubenic në maj 1999 në Kosovën perëndimore. Aktakuza pretendon se ata vranë të paktën 118 persona shqiptarët.

Ai u arrestua në vitin 2018 dhe doli për herë të parë para gjykatës në nëntor tw vitit 2019. Ai akuzohet për krime në fshatrat Ljubenic dhe Qyshk.

Raskovic, një ish-anëtar i një njësie paraushtarake serbe të njohur si Çakallët, një nga dëshmitarët kryesorë të prokurorisë, këtë herë dëshmoi në mbrojtje të Vukoviçit.

Ai u intervistua për një dokumentar të BIRN që hetonte komandantët pas masakrave të vitit 1999 në Kosovë.

Gjykata e Lartë e Beogradit kaloi një vit duke u përpjekur që Raskovic të dëshmonte, pasi ai ishte në burg në Gjermani. Në seancën e së premtes, Raskovic ishte i pranishëm në gjykatë, megjithatë, pasi u ekstradua nga Gjermania në lidhje me një tjetër procedim penal në Serbi.

Në një seancë dëgjimore në nëntor tw vitit 2015, Raskovic i tha gjykatës se trupat e tjerë të tij ekzekutuan më shumë se rreth 60 burra në fshatin Ljubenic të Kosovës më 1 prill tw vitit 1999 dhe ai kishte folur për krimet në Qyshk në vitin 2011.

Fillimisht ishte planifikuar që Raskovic të dëshmonte me një emër të koduar për të fshehur identitetin e tij, por për herë të parë në historinë e gjykatës serbe, një dëshmitar i mbrojtur vendosi të dëshmonte publikisht, në mënyrë që siç ka thënë ai “të tregonte të vërtetën për tmerret në Kosovë”.

Të premten, Raskovic i ka kërkuar Gjykatës së Lartë të Beogradit t’i jepte sërish statusin e dëshmitarit të mbrojtur, duke pretenduar se ai kishte marrë kërcënime me vdekje në lidhje me familjen e tij nëse do vazhdonte të dëshmonte.

Avokatët mbrojtës e kundërshtuan këtë, duke pretenduar se ai gënjen dhe përpiqet të manipulojë gjykatën.

Ish-ushtarët fillimisht u dënuan në vitin 2014 dhe u dënuan me gjithsej 106 vjet burg, por gjykata e apelit serb e ndryshoi vendimin në vitin 2015 dhe e dërgoi çështjen për rigjykim./ BalkanInsight