Hyri ilegalisht në Kosovë, Policia ndalon një boshnjak me shtetësi të Serbisë

Policia në Leposaviq ka shoqëruar në stacion policor një shtetas të Serbisë të nacionalitetit boshnjak, pasi dyshohet se kishte hyrë ilegalisht nga Serbia në territorin e Kosovës.

Sipas Policisë, një njësi policore gjatë vëzhgimit në terren ka parë veturën e të dyshuarit me targa të Serbisë.

Rasti ka ndodhur në fshatin Sharpel, më 19.03.2024, rreth orës 19:45.

“I dyshuari është shoqëruar në stacionin policor dhe i njëjti pas intervistimit me vendim të prokurorit është liruar në procedurë të rregullt” – thuhet në njoftimin e Policisë.

Rasti është inicuar si “Kalim ilegal i kufirit”.