Gjenden mbetje njerëzore në dy valixhe, policia britanike arreston një 34-vjeçar

Policia e Mbretërisë së Bashkuar ka arrestuar një burrë 34-vjeçar si pjesë e një operacioni kërkimi për identifikim të personave përgjegjës për lënien e dy valixheve me mbetje njerëzore në një urë të famshme në Anglinë perëndimore në fillim të kësaj jave.

Burri u arrestua në Bristol dhe u dërgua në paraburgim gjatë orëve të hershme të së shtunës (13.07.2024) si pjesë e një operacioni të përbashkët midis policisë së Londrës dhe asaj lokale, bëri të ditur policia. Ai do të transferohet në Londër për t’u marrë në pyetje më vonë gjatë së shtunës (13.07.2024), sipas deklaratës.

Ndërsa, një 36-vjeçar që u arrestua në Londër të premten (12.07.2024) në lidhje me këtë rast është liruar pa akuza.

Arrestimi i së shtunës (13.07.2024) u përshëndet si “zhvillim i rëndësishëm” në hetimin e policisë.

Hetimet janë duke vazhduar që kur valixhet me mbetje njerëzore u gjetën në urën e famshme në Bristol, rreth 160 kilometra në perëndim të kryeqytetit, të mërkurën (10.07.2024).

Oficerët besojnë se e dinë identitetin e dy viktimave meshkuj, por “identifikimi zyrtar ende nuk ka ndodhur”, thanë ata.

Policia më pas kishin gjetur mbetje njerëzore në një apartament në perëndim të Londrës që besohet të kenë lidhje me mbetjet tjera që u gjetën në Bristol. /CNN