Dyshohet për rrahje mes disa familjarëve në Shtime, lëndohen tre persona
19.5.2024 - 21:50
Një rrahje që dyshohet të jetë mes disa familjarëve ka ndodhur më 19.05.2024 në Shtime, ka konfirmuar për KALLXO.com Policia e Kosovës.
Rreth orës 19:33, Policia e Shtimes pranoi informatën për një rrahje në rrugën “12 Qershori”.
Pas daljes në vendin e ngjarjes polices kanë mësuar se tre persona, anëtarë të familjes kanë pësuar lëndime trupore.
Për tretman mjekësor nga Qendra e Mjekësisë Familjare, të lënduarit u dërguan në Qendrën Emergjente në Ferizaj.
Kanun Veseli, zëdhënës i Policisë Rajonale të Ferizajt thotë se dyshohet për dhunë në familje.
Veseli thotë se rasti po hetohet dhe se për të është njoftuar edhe prokurori i shtetit.