Foto: ZKM
Chollet bisedon me Kurtin: Tani duhet zbatimi i propozimit të BE-së për të siguruar përfitime të rëndësishme
Këshilltari i Departamentit amerikan të Shtetit, Derek Chollet, ka njoftuar se ka zhvilluar një bisedë telefonike me kryeministrin e Kosovës, Albin Kurti.
Chollet thotë se mirëpret vendimin e Kosovës për ta pranuar propozimin evropian, për normalizimin e marrëdhënieve me Serbinë.
“Bisedova sot me kryeministrin e Kosovës, Albin Kurti. Mirëpresim vendimin e Kosovës për të pranuar propozimin e BE-së për normalizimin e marrëdhënieve me Serbinë përmes dialogut të lehtësuar nga BE-ja”- shkruan Chollet në Twitter.
Chollet ka deklaruar se tani duhet zbatimi i plotë i propozimit për të siguruar përfitime të rëndësishme për të dy vendet.
Edhe ambasadori amerikan në Kosovë, Jeffrey Hovenier, thotë se do të mbështesin plotësisht hapat e ardhshëm për propozimin e BE-së duke shtuar se është progres i rëndësishëm për Kosovën.
“Ne do të mbështesim plotësisht hapat e ardhshëm për propozimin e BE-së. Ky progres është i rëndësishëm për Kosovën pasi ne mbështesim integrimin e saj të plotë në strukturat euroatlantike dhe ndërkombëtare”- shtoi Hovenier.
Kryeministri i vendit, Albin Kurti, pas drekës me emisarin e BE-së, Miroslav Lajçak, të hënën tha se Kosova e pranon propozimin e BE-së, i njohur si plani franko-gjerman.
Ndërkaq pas vizitës në Kosovë dhe Serbi, Lajçak tha se tashmë edhe Kosova ka pranuar propozimin e BE-së në parim.
We will fully support the next steps on the EU proposal. This progress is significant for Kosovo as we support its full integration into Euro-Atlantic and international structures. https://t.co/JoknfjZJBF
— Ambassador Jeff Hovenier (@USAmbKosovo) February 10, 2023