Bashkë me mbesën kërkonin lëmoshë në Pejë, Policia ndalon dy shtetasit e Shqipërisë
27.7.2023 - 12:31
Policia e Kosovës ka bërë të ditur se ka ndaluar e më pas i ka liruar dy lëmoshë kërkues nga Shqipëria në Pejë.
Sipas Policisë, të ndaluarit ishin shtetas të Shqipërisë, ku njëri nga të dyshuarit ishte me mbesën e tij.
“Policia gjatë patrullimit ka takuar të dyshuarin mashkull shtetas të Shqipërisë me mbesën e tij , viktimë femër shtetase e Shqipërisë duke kërkuar lëmoshë”- thuhet në njoftim.
I dyshuari është ndaluar dhe intervistuar nën dyshimin për keqtrajtim apo braktisje të fëmijës.
Të njëjtit, sipas policisë pas intervistimit janë liruar.