Foto: Ilustrim
Arrestohet një i dyshuar, kanosi policët
Policia në Mitrovicën e Jugut ka arrestuar një person nën dyshimin se ka kanosur zyrtarët policorë në kryerje të detyrës zyrtare.
Rasti ka ndodhur sot rreth orës 14:30, në rrugën “Mbretëresha Teutë”, në Mitrovicë.
“Arrestimi i të dyshuarit është bërë sot rreth orës 14:30, në rrugën Mbretëresha Teutë në Mitrovicë, në kohën kur zyrtarët policorë po trajtonin një kundërvajtje në trafik, me ç’rast i dyshuari- ngasësi i veturës duke i penguar dhe mos përfillur urdhrat e zyrtarëve policorë, i njëjti ka kanosur zyrtarët policorë gjatë kryerjes së detyrës zyrtare”, ka njoftuar zëdhënësi i PK-së për rajonin e Mitrovicës, Avni Zahiti.
Sipas Zahitit, ndaj të dyshuarit të arrestuar A. H.,31-vjeçar, pas procedurave të nevojshme intervistuese, me aktvendim të prokurorit të rastit i është shqiptuar masa e ndalimit policor për 48 orë.
Ndaj tij është iniciuar rast për veprën penale – kanosje.