Ambasadori i Japonisë në Maqedoni performon “Bareshën” e Nexhmije Pagarushës. Screenshot: Bujar Osmani/X
Ambasadori i Japonisë në Shkup performon “Bareshën” e Nexhmije Pagarushës
“Baresha” e Nexhmije Pagarushës, që u këndua e u përformua nga talentë të shumtë, mori vëmendjen edhe të ambasadorit të Japonisë në Maqedoni të Veriut, Otsuka Kazuya.
Ai performoi me kitarë melodinë e kësaj kënge gjatë një takimi që pati me ministrin e Jashtëm të Maqedonisë së Veriut, Bujar Osmani.
“I kënaqur nga mikpritja e ngrohtë e ambasadorit japoneze Otsuka Kazuya. Performanca e tij e këngës së famshme shqiptare Baresha ishte vërtet e jashtëzakonshme” – u shpreh Osmani në rrjetin social “X”.
Tutje ai tha se donacionet dhe mbështetja e vazhdueshme e Japonisë janë të paçmueshme në nxitjen e progresit të Maqedonisë së Veriut.
Ministri tha se bashkë me ambasadorin po festojnë këtë vit 30-vjetorin e vendosjes së marrëdhënieve diplomatike mes dy vendeve.
📍Delighted by the warm hospitality of Japanese Ambassador Otsuka #Kazuya.
👏His performance of the famous Albanian song #Baresha was truly remarkable.
🇯🇵 continuous donations & support are invaluable in fostering 🇲🇰progress.
🎉Celebrating 30 years of diplomatic ties this year! pic.twitter.com/xk1OmLnNaB— Bujar Osmani (@Bujar_O) February 8, 2024
