Afati i nëntorit dhe prillit me dy provime në Universitetin e Prishtinës

Senati i Universitetit të Prishtinës në mbledhjen e mbajtur sot ka vendosur që afati plotësues i paraqitjes së provimeve të hapet dhe të ketë dy provime në nëntor dhe prill.

Sekretari i përgjithshëm i UP,  Esat Kelmendi tha se ky vendim i senatit vlen për dy afatet plotësuese, të prillit dhe nëntorit, deri në një vendim tjetër.

“Ky afat do të hapet dhe do të vlejë për vitin akademik 2019-2020 deri në një vendim tjetër”, tha Kelmendi.

Në anën tjetër dekani i Fakultetit Filozofik, Bujar Dugolli, tha se studentët vazhdimisht janë duke ardhur me kërkesën e njëjtë. Sipas tij senati do të duhet të vendoste njëherë dhe të definohej qartë se sa provime lejohen në afatet plotësuese.

“Kjo kërkesë është e studentëve, por është antistatutare dhe studentët çdo herë kërkojnë afat ndërsa rezultatet prej vlerësimeve lënë për të dëshiruar në shumë njësi akademike”, tha Dugolli.

 

 

Do NOT follow this link or you will be banned from the site!