26 raste të reja më COVID-19 në Kosovë

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, ka njoftuar se 26 qytetarë kanë rezultuar pozitivë me virusin COVID-19 nga 970 testime.

Ndërsa, nuk është shënuar asnjë rast i vdekjes.

Sipas njoftimit, sot janë shëruar 45 qytetarë, derisa numri i përgjithshëm i të shëruarve është 227 mijë e 150.

Po ashtu është bërë e ditur se në 24 orët e fundit në Kosovë janë dhënë 46 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 1.819.625 doza të vaksinës.

Në total numri i rasteve aktive me COVID-19 në vend është 632.