Ministria e Kulturës shpall konkurs për pozitën që nuk parashihet me ligjin për teatrot
Ministria e Kulturës, Rinisë dhe Sporti ka shpallur konkurs për Drejtor Artistik të Teatrit Kombëtar të Kosovës.
Pozita ‘Drejtor Artistik’ nuk parashihet në Ligjin për teatrot, as me Statutin e Teatrit Kombëtar.
MKR-së është arsyetuar se konkursi për këtë pozitë është hapur duke u bazuar në Rregulloren (QRK) Nr.15/2018, për Gradimin dhe Pagat e Krijuesve dhe Performuesve të Kulturës dhe të Punonjësve Professional të Trashëgimisë Kulturore, edhe pse në preambulën e konkursit thuhet se konkursi shpallet duke u bazuar edhe në Ligjin për teatrot dhe në Statutin e TKK-së.
Sipas Ligjit për teatrot (miratuar më 2011 dhe publikuar në fletoren zyrtare nga 2012), drejtuesit e Teatrove janë Drejtori i Përgjithshëm dhe Udhëheqësi Artistik.
“Organizimi dhe funksionimi i teatrove publike. 1. Organizimi dhe funksionimi i teatrove publike rregullohet me statut dhe me akte të tjera nënligjore në pajtim me këtë ligj. 2. Struktura drejtuese e çdo teatri publik përbëhet nga: 2.1. Këshilli drejtues; 2.2. Drejtori i përgjithshëm; 2.3. Udhëheqësi artistik”, thuhet në nenin 7 të Ligjit për teatrot.
Teatri Kombëtar i Kosovë, sipas këtij ligji (neni 5) ka statusin e teatrit publik.
Pozita e “Drejtorit Artistik” nuk parashihet as me Statutin e Teatrit Kombëtar.
Sipas këtij statuti, organet drejtuesit e TKK-së janë Këshilli Drejtues, Drejtori i Përgjithshëm dhe Udhëheqësi Artistik (nen 9 i këtij statute).
Por MKRS është arsyetuar se pozita e shpallur për “Drejtor Artistik” është bazuar tek Rregulloren (QRK) Nr.15/2018, për Gradimin dhe Pagat e Krijuesve dhe Performuesve të Kulturës dhe të Punonjësve Professional të Trashëgimisë Kulturore.
“Pozita e shpallur tek emërimit është e bazuar në Rregulloren (QRK) Nr.15/2018, për Gradimin dhe Pagat e Krijuesve dhe Performuesve të Kulturës dhe të Punonjësve Professional të Trashëgimisë Kulturore, Neni 8, pika 1.1.1 të datës 25 Shtator 2018, të nënshkruar nga Kryeministri i Republikës së Kosovës”, thuhet në përgjigjen e MKRS-së.
Po sipas përgjigjes së MKRS-së, kjo ministri ka shpallur konkurs për pozitën e Drejtorit Artistik në Teatrin Kombëtar të Kosovës, duke u mbështetur në Ligjit për Zyrtarët Publik të Republikës së Kosovës , Nr.06/L-114, Ligjin për Institucionet e Kulturës, Nr. 02/L-57, Ligjin Nr. 04/ L-106 për Teatrot, Statutin e Teatrit Kombetar te Kosoves, dhe Rregulloren (QRK)Nr.15/2018, për Gradimin dhe Pagat e Krijuesve dhe Performuesve të Kulturës dhe të Punonjësve Profesional të Trashëgimisë Kulturore.
Njoftimi për hapjen e konkursit për drejtor Artistik në TKK-së është bërë publik dje në uebfaqen e ministrisë.
Në njoftim janë dhënë kriteret që duhet të plotësojnë kandidatët konkurrues dhe informatat tjera të nevojshme.
Sipas njoftimit, data e njoftimit në uebfaqen unike të proceduarve të konkurrimit (https; konkursi.rks-gov.net) është prej datës 26.11.2020 deri më 27.12.2020, kurse data e aplikimit është prej 27.12.2020 deri më 10.01. 2021.
