Rrena e Agim Aliut për Emërimin e Grave në Drejtoritë Komunale

'Unë synoj që do të kem tri drejtori nga gjinia femërore'

Agim Aliu, Dhjetor 2017

Rrenë

Në konferencën për media, kryetari i zgjedhur i Komunës së Ferizajt, Agim Aliu ka prezantuar ekipin e tij qeverisës për katër vjetët e ardhshëm.

Në kuadër të këtij ekipi, prej 11 drejtorive, vetëm dy do të udhëhiqen nga drejtoresha. Sebahate Ajeti nga PDK-ja do të udhëheqë Drejtorinë për Buxhet dhe Financa dhe Xhemile Murati, nga AAK-ja, do të udhëheqë Drejtorinë për Rini, Kulturë dhe Sport.

Në Debat Pernime me kandidatët për kryetar të Komunës së Ferizajt, Agim Aliu kishte premtuar tri drejtoresha në ekipin e tij qeverisës.

“Unë synoj që do të kem tri drejtori nga gjinia femërore”, tha Agim Aliu në Debat Pernime në tetor (shih videon KËTU nga min 33:57).

Agim Aliu nuk e ka mbajtur premtimin për të emëruar tri gra në drejtoritë komunale të Ferizajt. Ai ka emëruar vetëm dy gra në dy drejtori dhe vetëm njëra prej këtyre drejtorive udhëhiqet nga PDK-ja.

Aliu nuk ua ka besuar grave as dy pozitat tjera siç janë postet e nënkryetarit të komunës dhe shefit të kabinetit.

Meqë, Aliu është në koalicion me AAK-në në këtë komunë, atëherë barra e emërimit të drejtorëve bie edhe mbi kandidatin e AAK-së për kryetar të Komunës, Xhavit Zariqi.

Zariqi kishte premtuar se nëse gjen kandidate të përgatitura gjysma e drejtorëve të drejtorive do të jenë gra.

“Nëse gjej të afta për lëmitë përkatëse që do t’i udhëheqin, do t’i emëroj 50 për qind gra”, ka thënë Zariqi (Shih videon KËTU nga min 30:01).

Nënkryetari dhe tri drejtori i takojnë AAK-së. Nga këto katër pozita vetëm njëra i është besuar një gruaje- Xhemile Muratit.

Lista e plotë e të emëruarve nga Agim Aliu

Naim Ferati (Nënkryetar) – AAK

Lulzim Aliu (Drejtor për Urbanizëm dhe Planifikim)-PDK

Bashkim Hyseni (Drejtor i Arsimit)-PDK

Sebahate Ajeti  (Drejtor për Buxhet dhe Financa)-PDK

Sabri Murseli (Drejtor për Gjeodezi dhe Kadastër)-PDK

Burim Bajrami (Drejtor i Bujqësisë)-PDK

Arbër Bytyqi (Drejtor i Infrastrukturës)-PDK

Faruk Hyseni (Drejtor i Administratës)-AAK

Arben Halili (Drejtor i Shërbimeve Publike)-AAK

Xhemile Murati (Drejtor për Rini, Kulturë dhe Sport)- AAK

Besnik Berisha (Drejtor për Shëndëtësi)- NISMA

Zekir Bytyqi (Drejtor për Ekonomi dhe Zhvillim)-AKR

Selim Marevci ( Shef i Kabinetit të Kryetarit)

Kaçaniku në pritje të ujit

by Qëndresë Mustafa
NA NDIQNI

Send this to a friend