Arrestohet ish-drejtori i Burgjeve të Shqipërisë

Ish-drejtori i përgjithshëm i burgjeve në Shqipëri, Arben Çuko, është arrestuar.

Arrestimi është bërë nën dyshimin për përfshirje në korrupsion pasiv, gjatë kohës që ushtronte detyrën.

Urdhër arresti u ekzekutua sot pasdite dhe aktualisht Çuko është i ndaluar në ambientet e Drejtorisë së Policisë së Tiranës.

Edhe paraardhësi i tij, Artur Zoto u arrestua dhe qëndroi një vit e gjysmë në burg, i cili u dënua nga shkalla e parë dhe më pas u shpall i pafajshëm.

Nga të dhënat e para, dyshohet se Arben Çuko ka marrë para për t’i dhënë leje të burgosurve./21Media