Arkiva - Foto: KALLXO.com
Kërcënohen Polici e Pylltari në Vushtrri
16.10.2017 - 10:02
Një person është arrestuar dje në Karaqë të Vushtrrisë pasi që i njëjti kishte kanosur një zyrtar policor, i cili ishte në kryerje të detyrës.
Me urdhër të prokurorit, i dyshuari pas intervistimit është liruar në procedurë të rregullt.
Ndërsa, në fshatin Skromë të Vushtrrisë mbrëmë rreth orës 19:25 zyrtari i Agjencisë së Pylltarisë ka raportuar se derisa ishte në kryerjen e detyrës është kanosur verbalisht nga dy të dyshuar meshkuj.
Të dyshuarit gjenden në arrati.
Sipas Policisë, rasti është duke u hetuar.
Këto raste po trajtohen si kanosje.